Mark 10
ការជជែកអំពីអាពាហ៍ពិពាហ៍ និងការលែងលះ
1បន្ទាប់ពីបានចាកចេញពីទីនោះព្រះអង្គក៏មកដល់ស្រុកយូដាដែលនៅត្រើយម្ខាងអូរយ័រដាន់ហើយបណ្ដាជនក៏ជួបជុំគ្នាមកឯព្រះអង្គម្ដងទៀតព្រះអង្គក៏បង្រៀនពួកគេតាមទម្លាប់ព្រះអង្គ 2ពួកអ្នកខាងគណៈផារិស៊ីចូលមកល្បងលព្រះអង្គដោយទូលសួរថា៖ «បើប្ដីលែងប្រពន្ធតើវិន័យអនុញ្ញាតដែរឬទេ?» 3ព្រះអង្គមានបន្ទូលឆ្លើយទៅពួកគេថា៖ «តើលោកម៉ូសេបង្គាប់អ្នករាល់គ្នាយ៉ាងដូចម្ដេចខ្លះ?» 4ពួកគេនិយាយថា៖ «លោកម៉ូសេអនុញ្ញាតឲ្យ ▼▼«លោកម៉ូសេអនុញ្ញាតឲ្យ» សូមមើល ទុតិ ២៤:១។
បុរសសរសេរសំបុត្រលែងលះរួចលែងប្រពន្ធ» 5ព្រះយេស៊ូមានបន្ទូលទៅពួកគេថា៖ «នោះព្រោះតែអ្នករាល់គ្នាមានចិត្ដរឹងរូសបានជាលោកម៉ូសេសរសេរបញ្ញត្ដិនេះសម្រាប់អ្នករាល់គ្នា 6តែព្រះជាម្ចាស់បានបង្កើតពួកគេជាប្រុសជាស្រីតាំងពីដើមកំណើតពិភពលោកមកម៉្លេះ 7ដោយហេតុនេះបានជាមនុស្សប្រុសនឹងចាកចេញពីឪពុកម្ដាយទៅរួមរស់ជាមួយប្រពន្ធរបស់ខ្លួន ▼▼«ទៅរួមរស់ជាមួយប្រពន្ធរបស់ខ្លួន» ឯកសារដើមខ្លះពុំមាន «ទៅរួមរស់ជាមួយប្រពន្ធរបស់ខ្លួន»។
8អ្នកទាំងពីរនឹងត្រលប់ជាសាច់តែមួយដូច្នេះពួកគេមិនមែនពីរនាក់ទៀតទេតែជាសាច់តែមួយវិញ 9ដូច្នេះកុំឲ្យមនុស្សបំបែកអ្វីដែលព្រះជាម្ចាស់បានផ្សំផ្គុំឡើយ»។ 10ពេលទៅដល់ផ្ទះពួកសិស្សទូលសួរព្រះអង្គម្ដងទៀតអំពីសេចក្ដីនេះ 11ព្រះអង្គមានបន្ទូលទៅគេថា៖ «អ្នកណាលែងប្រពន្ធខ្លួនរួចរៀបការនឹងស្ដ្រីម្នាក់ទៀតនោះផិតក្បត់នឹងប្រពន្ធហើយ ព្រះយេស៊ូប្រទានពរដល់ក្មេងៗ
12រីឯប្រពន្ធលែងប្ដីខ្លួនរួចរៀបការនឹងបុរសម្នាក់ទៀតនោះនាងផិតក្បត់ហើយ»។ព្រះយេស៊ូប្រទានពរដល់ក្មេងៗ
13មានមនុស្សនាំក្មេងៗមកឯព្រះអង្គដើម្បីឲ្យព្រះអង្គពាល់ក្មេងៗទាំងនោះតែពួកសិស្សបានស្ដីបន្ទោសពួកគេ 14កាលទតឃើញដូច្នេះព្រះយេស៊ូទាស់ចិត្ដយ៉ាងខ្លាំងក៏មានបន្ទូលទៅពួកគេថា៖ «កុំឃាត់ពួកគេអីចូរឲ្យក្មេងៗទាំងនេះមកឯខ្ញុំចុះដ្បិតនគរព្រះជាម្ចាស់ជារបស់មនុស្សដូចជាក្មេងៗទាំងនេះ 15ខ្ញុំប្រាប់អ្នករាល់គ្នាជាប្រាកដថាបើអ្នកណាមិនទទួលយកនគរព្រះជាម្ចាស់ដូចជាកូនក្មេងនោះមិនអាចចូលក្នុងនគរព្រះជាម្ចាស់បានឡើយ» 16ព្រះអង្គបានលើកក្មេងៗទាំងឲ្យពរដោយដាក់ដៃលើពួកគេ។បុរសអ្នកមានជួបព្រះយេស៊ូ
17កាលព្រះអង្គកំពុងទៅតាមផ្លូវនោះមានមនុស្សម្នាក់រត់មកលុតជង្គង់នៅមុខព្រះអង្គនិងទូលសួរថា៖ «លោកគ្រូល្អអើយ! តើខ្ញុំត្រូវធ្វើដូចម្ដេចដើម្បីទទួលបានជីវិតអស់កល្បជានិច្ចទុកជាមរតក?» 18ព្រះយេស៊ូមានបន្ទូលទៅគាត់ថា៖ «ហេតុអ្វីអ្នកហៅខ្ញុំថាល្អដូច្នេះគ្មាននរណាម្នាក់ល្អទេលើកលែងតែព្រះជាម្ចាស់មួយអង្គគត់ 19អ្នកស្គាល់បញ្ញត្ដិ ▼▼«បញ្ញត្តិ» សូមមើល និក្ខ ២០:១២-១៦ ហើយ «កុំគៃបន្លំ» ពុំមាននៅក្នុងបញ្ញត្តិទេ។
ហើយថាកុំសម្លាប់កុំផិតក្បត់កុំលួចកុំធ្វើសាក្សីក្លែងក្លាយកុំគៃបន្លំនិងចូរគោរពឪពុកម្ដាយរបស់អ្នក» 20គាត់ទូលព្រះអង្គថា៖ «លោកគ្រូខ្ញុំបានធ្វើតាមបញ្ញត្ដិទាំងនេះតាំងពីខ្ញុំវ័យជំទង់ម៉្លេះ» 21ប៉ុន្ដែព្រះអង្គមើលទៅគាត់ដោយក្ដីស្រលាញ់និងមានបន្ទូលទៅគាត់ថា៖ «អ្នកនៅខ្វះសេចក្ដីមួយចូរទៅលក់ទ្រព្យសម្បត្ដិដែលអ្នកមានទាំងឡាយហើយឲ្យអ្នកក្រចុះអ្នកនឹងមានទ្រព្យសម្បត្ដិនៅស្ថានសួគ៌រួចចូរមកតាមខ្ញុំចុះ» 22ប៉ុន្ដែគាត់ព្រួយចិត្ដដោយសារឮព្រះបន្ទូលនេះហើយបានចាកចេញទៅទាំងសោកសៅព្រោះគាត់មានទ្រព្យសម្បត្ដិច្រើន 23ពេលព្រះយេស៊ូមើលជុំវិញហើយក៏មានបន្ទូលទៅពួកសិស្សព្រះអង្គថា៖ «អ្នកមានពិបាកនឹងចូលទៅក្នុងនគរព្រះជាម្ចាស់ណាស់» 24ពួកសិស្សឆ្ងល់នឹងព្រះបន្ទូលព្រះអង្គប៉ុន្ដែព្រះយេស៊ូមានបន្ទូលតបទៀតថា៖ «កូនអើយ! ការចូលក្នុងនគរព្រះជាម្ចាស់នោះពិបាកណាស់ ▼▼«នោះពិបាកណាស់» ឯកសារដើមខ្លះបន្ថែមថា «សម្រាប់អ្នកទាំងឡាយណាដែលទុកចិត្តលើទ្រព្យសម្បត្តិ»។
25សត្វអូដ្ឋចូលតាមប្រហោងម្ជុលនោះងាយស្រួលជាងអ្នកមានចូលក្នុងនគរព្រះជាម្ចាស់ទៅទៀត» 26ពួកគេកាន់តែឆ្ងល់ថែមទៀតហើយនិយាយគ្នា ▼▼«និយាយគ្នា» ឯកសារដើមខ្លះសរសេរថា «ទូលទៅព្រះអង្គ»។
ថា៖ «បើដូច្នោះតើនរណាអាចទទួលសេចក្ដីសង្គ្រោះបាន?» 27ប៉ុន្ដែព្រះយេស៊ូទតទៅពួកគេហើយមានបន្ទូលថា៖ «មនុស្សមិនអាចធ្វើការនេះបានទេប៉ុន្ដែព្រះជាម្ចាស់អាចធ្វើបានព្រោះព្រះជាម្ចាស់អាចធ្វើគ្រប់ការទាំងអស់បាន» 28លោកពេត្រុសចាប់ផ្ដើមទូលព្រះអង្គថា៖ «មើល៍យើងបានលះបង់អ្វីៗទាំងអស់ហើយដើរតាមលោក» 29ព្រះយេស៊ូមានបន្ទូលថា៖ «ខ្ញុំប្រាប់អ្នករាល់គ្នាជាប្រាកដថាគ្មានអ្នកណាដែលព្រមលះបង់ផ្ទះសំបែងកូនឪពុកម្ដាយបងប្អូនប្រុសស្រីស្រែចម្ការព្រោះយល់ដល់ខ្ញុំនិងដំណឹងល្អ 30មិនទទួលបានមួយជាមួយរយនោះទេគឺនៅពេលនេះទទួលបានផ្ទះសំបែងបងប្អូនប្រុសស្រីម្ដាយកូននិងស្រែចម្ការព្រមជាមួយនឹងការបៀតបៀនហើយនៅលោកខាងមុខនឹងបានទទួលជីវិតអស់កល្បជានិច្ចជាមិនខាន 31ហើយមនុស្សជាច្រើនដែលនៅមុខគេនឹងត្រលប់ជាក្រោយគេបង្អស់រីឯអ្នកនៅក្រោយគេបង្អស់នឹងបាននៅមុខគេវិញ»។ ព្រះយេស៊ូប្រាប់ឲ្យដឹងជាមុនជាលើកទីបីអំពីការសោយទិវង្គតរបស់ព្រះអង្គ
32កាលពួកគេកំពុងធ្វើដំណើរតាមផ្លូវទៅក្រុងយេរូសាឡិមព្រះយេស៊ូនាំមុខពួកគេរីឯអ្នកដែលដើរតាមព្រះអង្គបានតក់ស្លុតនិងភ័យខ្លាចជាខ្លាំងរួចពេលប្រមូលសាវកទាំងដប់ពីរមកម្ដងទៀតហើយព្រះអង្គក៏ចាប់ផ្ដើមមានបន្ទូលប្រាប់ពួកគេអំពីអ្វីៗដែលនឹងកើតចំពោះព្រះអង្គថា៖ 33«មើល៍យើងកំពុងឡើងទៅក្រុងយេរូសាឡិមរីឯកូនមនុស្ស ▼▼«កូនមនុស្ស» គឺជាឈ្មោះដែលប្រើសម្រាប់ព្រះយេស៊ូតែមួយអង្គគត់នៅក្នុងគម្ពីរសញ្ញាថ្មី។
នឹងត្រូវគេប្រគល់ឲ្យទៅពួកសម្ដេចសង្ឃនិងគ្រូវិន័យហើយពួកគេនឹងកាត់ទោសប្រហារជីវិតលោករួចប្រគល់លោកឲ្យទៅសាសន៍ដទៃ 34ហើយពួកគេនឹងចំអកឲ្យលោកស្ដោះទឹកមាត់ដាក់លោកវាយនឹងខ្សែតីរួចសម្លាប់លោកប៉ុន្ដែបីថ្ងៃក្រោយលោកនឹងរស់ឡើងវិញ»។ សំណមរបស់លោកយ៉ាកុបនិងលោកយ៉ូហាន
35លោកយ៉ូហាននិងលោកយ៉ាកុបជាកូនលោកសេបេដេបានមករកព្រះអង្គនិងទូលព្រះអង្គថា៖ «លោកគ្រូយើងចង់ឲ្យលោកធ្វើតាមសំណូមរបស់យើង» 36ព្រះអង្គមានបន្ទូលទៅពួកគេថា៖ «តើអ្នកចង់ឲ្យខ្ញុំធ្វើអ្វីឲ្យអ្នក?» 37ពួកគេឆ្លើយថា៖ «សូមឲ្យយើងបានអង្គុយម្នាក់នៅខាងស្ដាំលោកនិងម្នាក់ទៀតនៅខាងឆ្វេងលោកនៅក្នុងសិរីរុងរឿងរបស់លោកផង» 38ព្រះយេស៊ូមានបន្ទូលទៅពួកគេថា៖ «អ្នកមិនដឹងថាអ្នកកំពុងសុំអ្វីទេតើអ្នកអាចផឹកពីពែងដែលខ្ញុំផឹកនិងទទួលពិធីជ្រមុជដែលខ្ញុំទទួលបានដែរឬទេ?» 39ពួកគេទូលព្រះអង្គថា៖ «យើងអាចទទួលបាន» ព្រះអង្គក៏មានបន្ទូលទៅគេទៀតថា៖ «អ្នកនឹងផឹកពីពែងដែលខ្ញុំផឹកហើយទទួលពិធីជ្រមុជដែលខ្ញុំទទួលបានមែន 40ប៉ុន្ដែដែលអង្គុយនៅខាងស្ដាំឬខាងឆ្វេងខ្ញុំមិនមែនស្រេចលើខ្ញុំទេគឺសម្រាប់តែអ្នកដែលព្រះជាម្ចាស់បានរៀបចំទុកឲ្យប៉ុណ្ណោះ» 41ពេលសាវកដប់នាក់ទៀតឮដូច្នេះក៏ចាប់ផ្ដើមទាស់ចិត្ដនឹងលោកយ៉ូហាននិងលោកយ៉ាកុប 42ព្រះយេស៊ូហៅពួកគេមករួចមានបន្ទូលថា៖ «អ្នករាល់គ្នាដឹងថាអ្នកដែលគេចាត់ទុកជាអ្នកគ្រប់គ្រងលើសាសន៍ដទៃគឺត្រួតត្រាលើគេហើយពួកអ្នកធំរបស់គេក៏ប្រើសិទ្ធិអំណាចលើគេដែរ 43ប៉ុន្ដែក្នុងចំណោមអ្នករាល់គ្នាវិញមិនមែនដូច្នោះឡើយអ្នកណាដែលចង់ធ្វើធំក្នុងចំណោមអ្នករាល់គ្នាអ្នកនោះត្រូវធ្វើជាអ្នកបម្រើអ្នករាល់គ្នាវិញ 44ហើយអ្នកណាចង់ធ្វើជាទីមួយក្នុងចំណោមអ្នករាល់គ្នាអ្នកនោះត្រូវធ្វើជាបាវបម្រើមនុស្សគ្រប់គ្នា 45ដ្បិតសូម្បីតែកូនមនុស្សក៏មិនបានមកឲ្យគេបម្រើដែរប៉ុន្ដែមកបម្រើគេវិញទាំងប្រគល់ជីវិតខ្លួនទុកជាថ្លៃលោះសម្រាប់មនុស្សជាច្រើនផង»។បុរសខ្វាក់បារទីមេបានភ្លឺភ្នែកឡើងវិញ
46ពួកគេមកដល់ក្រុងយេរីខូរហើយពេលព្រះអង្គនិងពួកសិស្សរួមជាមួយមនុស្សច្រើនកុះករកំពុងធ្វើដំណើរចេញពីក្រុងយេរីខូរនោះមានអ្នកសុំទានម្នាក់ខ្វាក់ភ្នែកឈ្មោះបារទីមេជាកូនប្រុសលោកទីមេកំពុងតែអង្គុយនៅចិញ្ចើមផ្លូវ 47ហើយពេលឮថានោះជាព្រះយេស៊ូអ្នកក្រុងណាសារ៉ែត ▼▼«ព្រះយេស៊ូអ្នកក្រុងណាសារ៉ែត» ជានិច្ចកាល គេស្គាល់មនុស្សម្នាក់ដោយសារកន្លែងដែលអ្នកនោះចេញមក ឧទាហរណ៍ លោកអេលីយ៉ា ជាអ្នកស្រុកធេសប៊ី (១ពង្សា ១៧:១) លោកយ៉ូសែប អ្នកស្រុកអើរីម៉ាថេ (ម៉ាកុ ១៥:៤៣) លោកសុល ជាអ្នកក្រុងតើសុស (កិច្ច ៩:១១)។
គាត់ចាប់ផ្ដើមស្រែកឡើងថា៖ «ព្រះយេស៊ូជាពូជពង្សដាវីឌ ▼▼«ពូជពង្សដាវីឌ» ជាឈ្មោះដែលពួកយូដាប្រើសម្រាប់ព្រះសង្គ្រោះ ដែលព្រះជាម្ចាស់បានសន្យាថាជាតំណវង្ស និងជាអ្នកស្នងរាជ្យរបស់ស្តេចដាវីឌ។ មាននៅក្នុង ១០:៤៨ ដែរ។
អើយ! សូមមេត្ដាខ្ញុំផង!» 48មនុស្សជាច្រើនបានបន្ទោសឲ្យគាត់នៅស្ងៀមប៉ុន្ដែគាត់ស្រែកកាន់តែខ្លាំងឡើងៗថា៖ «ព្រះយេស៊ូជាពូជពង្សដាវីឌអើយ! សូមមេត្ដាខ្ញុំផង!» 49ព្រះយេស៊ូក៏ឈប់និងមានបន្ទូលថា៖ «ចូរហៅគាត់មក» គេក៏ហៅបុរសខ្វាក់នោះទាំងនិយាយទៅគាត់ថា៖ «ចូរអរសប្បាយហើយក្រោកឈរឡើងលោកហៅអ្នកហើយ» 50គាត់ក៏បោះអាវគាត់ចោលលោតឡើងហើយក៏មកឯព្រះយេស៊ូ 51ព្រះយេស៊ូក៏មានបន្ទូលតបទៅគាត់ថា៖ «តើអ្នកចង់ឲ្យខ្ញុំធ្វើអ្វីឲ្យអ្នក?» បុរសខ្វាក់នោះទូលទៅព្រះអង្គថា៖ «លោកគ្រូអើយ! សូមធ្វើឲ្យភ្នែកខ្ញុំមើលឃើញផង» 52ព្រះយេស៊ូមានបន្ទូលទៅគាត់ថា៖ «ចូរទៅចុះជំនឿរបស់អ្នកបានធ្វើឲ្យអ្នកជាសះស្បើយហើយ» ស្រាប់តែភ្លាមនោះគាត់ក៏មើលឃើញហើយដើរតាមព្រះអង្គនៅតាមផ្លូវ។
Copyright information for
KhmKCB